Вториот македонски претставник во Лигата на шампионите, Металург, в понеделник (17:30 часот), во салата во Автокоманда ќе ги почне подготовките за новата сезона
Тренерот Лино Червар ќе има на располагање комплетно нова и млада екипа, по сите промени кои ги направија „металурзите“ во текот на летниот период. Нови лица во „сино-белиот“ дрес се средниот бек Лука Мраковчиќ, десниот бек Јанко Божовиќ, голманите Даниел Дупјачанец и Милош Вуковиќ, левиот бек Марко Матиќ, како и кружните напаѓачи Константин Петров и репрезентативецот Пешевски.
Тимот веднаш заминува за Маврово каде ќе ги одработи базичните подготовки, за по 12 август одново да се врати во домашна атмосфера и да се подготвува за втората фаза од темпирањето на формата, пријателските натпревари.
Металург од 17 до 22 август ќе настапи на турнир во Бурса каде покрај домаќинот ќе учествуваат и турските екипи Анкара и Измир.