Ники Лауда е трикратен Формула 1 шампион и еден од великаните на спортот. Покрај тоа, Австриецот е и не-извршен директор на Ф1 тимот на Мерцедес, кој доминира изминатите две сезони во спортот, така што неговото педигре е несомнено.
Кога таков „калибар“ на тркач ќе изјави дека во моментов тркањето во Мото ГП шампионатот е далеку поспектакуларно со тоа во најскапата и најелитна тркачка серија, Формула 1, тогаш ситуацијата е навистина сериозна. Лауда го посети Чешкото ГП во Брно овој викенд и беше импресиониран од атмосферата.
„Навистина неверојатно, 350 км/ч и повеќе и таква контрола на мотоциклот. Ова е најневеројатното тркање кое можете да го видите денес. За жал, во Формула 1 е сосема спротивно. Болидите се толку лесни за возење што веќе не гледате ниту пролизгување, ниту нешто слично. Со мотоциклите на пример е многу тешко да се справиш и тоа ни покажува дека мораме да направиме тркањето во Ф1 повторно да биде тешко и да носи предизвик“, изјави Лауда.