Репрезентативците на Јамајка предводени од Усаин Болт денес го освоија златото во дисциплината 4x100 метри на СП во атлетика кое се одржува во Пекинг, Кина.
Штафетата на Јамајка ја заврши трката со време од 37.36 секунди, додека пак фаворитите за медал, САД по освоеното второ место, беа дисквалификувани од самата трка поради непрописно предавање на штафетата. Среброто по дисквалификацијата на САД го освои Кина, додека пак бронзениот медал го освоија Канаѓаните.
Атлетичарките на Јамајка исто така триумфираа во истата дисциплина, 4x100 метри, а самиот Болт веќе триумфираше на трките на 100 и 200 метри каде го освои златниот медал ма стадионот „Птичјо гнездо“ во Пекинг.
Кои беа насловите на странските медиуми за триумфот на Јамајка и киксот на САД во Пекинг?