Во второто учество во европскиот Челинџ куп, ЖРК Вардар Јуниор двата натпревари против британскиот тим Лондон Анџелс од третата квалификациска рунда ќе ги одигра на домашен терен, во СЦ „Јане Сандански“ во Скопје. Раководството на „црвено-црните“ се договори со „ангелите“ двомечот да биде во македонската престолнина.
Првиот натпревар е закажан за 13 ноември (петок), со почеток од 18 часот, додека вториот меч ќе се игра ден подоцна, во истиот термин, кога вардарки ќе ја имаат улогата на, условно кажано, гости.