Ѓоковиќ сега има 26 победи во ПекингСветскиот број 1, Новак Ѓоковиќ, стигна до својата 26. победа едноподруго на Кинескиот опен, турнир на кој има пет титули, за да ја израмни втората најдобра победничка низа на Џими Конорс.
Србинот со 6:2/6:1 го „збриша“ кинескиот тенисер Жанг Зи за 26-0 скор, идентичен како што Конорс имаше на турнирот во Бирмингем, Алабама од 1974 до 1980 година. Засега најдолгата победничка низа на еден турнир е сопственост на Рафаел Надал, кој имаше неверојатни 31 победи во низа на Францускиот опен во Париз од 2005 до 2009 година.
„Се чувствувам многу пријатно кога играм на овој терен. Се враќам секоја година со тој позитивен рекорд и тоа ми дава поголема самодоверба“, вели Ѓоковиќ.
На женскиот Кинески опен двете италијански финалистки од УС опен, Флавија Пенета и Роберта Винчи загубија во третото коло. Пенета, актуелната шампионка од Флешинг Медоуз беше поразена со 3:6/6:4/6:3 од Русинката Анастасија Пављученкова, додека Винчи со 6:1/3:6/6:2 беше послаба од американската квалификантка Бетани Матек-Сендс.
По победата во Њујорк, Пенета изјави дека заминува во пензија, и овој пат повтори дека останува на планот. Таа има уште еден турнир, следната недела во Тијанџин, Кина, каде што може да се квалификува за ВТА финалето во Сингапур.
„Ништо не се менува дали ќе одам или не во Сингапур. Мојата кариера секако ќе биде завршена. Би било убаво да одам во Сингапур, но ако не се случи, тогаш ќе одам на одмор“, изјави Пенета.
Финалистката од Вимблдон, Харбиње Мугуруза се пласираше во Сингапур со 1:6/6:2/6:1 победата над Мирјана Лучиќ-Барони.
|