„Барселона одигра добар натпревар. Ние игравме одлично во првиот дел, создадовме предност од три - четири гола и на полувремето имавме солидна предност. Но, во второто полувреме имавме потешкотии, проблеми со Жалуз, и со пикерите, Де Варгас беше одличен како и нашиот Штербик и тоа овозможи Барселона да нападне со контранапад. Барселона е тим, кој знае како треба да се игра во финишот.
Честитки и за публиката, која нè поддржуваше, но, за жал, таа поддршка не ја наградивме со победа. Изгубивме, но се боревме, а потребно ни беше повеќе за победа над Барселона“.
СТОЈАНЧЕ СТОИЛОВ
Судиите и де Варгас не запреа
„Одлично го отворивме натпреварот, имавме пристојно водство, но Барселона знаеше како да ги искористи нашите грешки и да се доближи на крајот на првото полувреме. Во продолжението почнавме лошо, што во комбинација со некои чудни одлуки на судиите, како и интервенциите на Де Варгас победата ни беше одземена. Верувам дека ќе извлечеме поука за следниот меч со Киелце и се надевам дека на Барселона ќе ѝ се одолжиме на Ф4 во Келн“.
ЧАВИ ПАСКВАЛ
Со Вардар може одново на Ф4
„Извонреден меч. Знаевме дека ќе биде тешко да победиме во Скопје и изминатава недела многу работевме на корекција на грешките од првиот дул. Изедначен натпревар, кој го одлучија последните минути, главно поради одличните одбрани на Де Варгас, кои ја направија разликата и ни овозможија да се избориме за пресврт.
Во иднина има шанси одново да се сретнеме во Вардар сезонава, со оглед на тоа дека тие се добра екипа која може да стигне до Ф4“.
КИРИЛ ЛАЗАРОВ
И Вардар да победеше ќе беше заслужено
„Немаше да биде незаслужено ако Вардар победеше на овој натпревар. Барселона на ниту еден меч во досегашните осум кола сезонава не забележа лесна победа, а знаевме дека така ќе биде и сега, не само поради одличната атмосфера и публиката во ’Јане Сандански’ туку и поради квалитетот на Вардар. Ние психолошки поподготвени влеговме во мечот, со мирна глава и мисли и се решивме во 15. минути. Ова беше судир на две подеднакви екипи, кои понудија екстра квалитетна претстава и одличен меч. Тешко е да се победи во Скопје, но ние го сторивме тоа и дојдовме до многу важна победа“.