Актуелниот европски и шпански ракометен шампион Барселона постави нов рекорд во последователни победи.
Екипата за која настапува македонскиот ракометар Кирил Лазаров синоќа на теренот на лутиот ривал, Адемар Леон ја запиша 73-тата победа по ред и постави нов рекорд по бројот на последователни победи во првенството на оваа земја, надминувајќи ги 72. победи во серија на Грањолерс, остварени уште пред повеќе од 20 години.
Лазаров одигра одличен натпревар во историската победа на Барселона со 12 реализации од 14 обиди.
Следен предизвик за Лазаров и соиграчите е средбата в недела во Копенхаген против Колдинг во Лигата на шампионите.