Македонската ракометна репрезентација го доби домаќинот Полска како прв противник на квалификацискиот турнир за Олимписките игри кој ќе се одржи во Гдањск. ИХФ ги одреди датумите за натпреварите, па така нашите момци своите активности ќе ги стартуваат на 8 април. Еден ден подоцна силите ќе ги одмериме против африканскиот вицешампион Тунис, за на 10 истиот месец да се соочиме со Чиле.
Најдобрите две репрезентации од секој турнир ќе се пласираат на Олимпијадата (вкупно шест) а со тоа ќе им се придружат на останатите шест селекции кои веќе ги имаат чекирано билетите за Рио. Тоа се домаќинот Бразил Франција, Аргентина, Катар, Германија и Египет.
Преостанатите два квалификациски турнири ќе се играат во Малме (Шведска), односно Хернинг (Данска).
Натпреварите ќе се играат во преубавата „Ерго“ арена, веројатно најубавиот објект од ваков тип кој го има Полска, со капацитет за 15.000 гледачи.
Македонија досега немала претставник на ЛОИ во колективен спорт, а не ни имала вака добра шанса каква што сега се укажа пред ракометарите