Нексе – Вардар 29:36 (14:17)
Сала: „Крал Томислав“ во Нашице. Судии: Бруновски и Чанда од Словачка
НЕКСЕ: Јужабашиќ ( 6 одб., 1 сед.), Лелиќ (3 одб.), Етер 3/5, Мрџеновиќ 2/2, Баришиќ 4/8, Зрниќ 2/4, Сршен 6/10, Јурјевиќ 2/2, Соколиќ 1/1, Нуиќ 2/4, Вегар 2/3, Ненадиќ 2/2, Херцег 3/8.
Седмерци: 5/6. Исклучувања: 6 минути
ВАРДАР: Милиќ (5 одб.) Ангелов (5 одб.), Брумен 1/1, Тоскиќ 5/7, Македа 2/4, Душебаев 5/7, Лазаров 1/5, Циндриќ 11/12, Дибиров 8/8, Харбок 3/4, Шишкарев, Марсениќ 0/1
Седмерци: 4/5. Исклучувања: 6 минути
Македонскиот шампион Вардар со победата на гости кај Нексе од 29:36 и математички го обезбеди настапот на Фајнл-фор турнирот од СЕХА лигата. Нашиот претставник ги оправда очекувањата и благодарение на одличниот двоец Циндриќ-Дибиров, кои заедно запишаа 19 погодоци, стигнаа до планираните три бодови.
Резултатот го отвори одличниот на овој меч Лука Циндриќ со удар од левата бековска позиција. Победникот практично и да се знаеше веќе по петминутна игра каде што Вардар успеа да направи предност од 6:0. Постот на домаќините го прекина Сршен откако упати „бомба“ од девет метри за 1:6.
Се играше 19. минута, а предноста на нашиот претставник полека се намалуваше. Македа не реализираше напад, а тоа го искористија домаќините кои преку Мрџеновиќ, односно Баришиќ и Нуиќ го намалија водството на 12:10. Од тој момент четата на Раул Гонзалез заигра на многу повисоко ниво па преку Дибиров кој погоди од седум метри, а подоцна и лошата организација на нападот на Нексе отидоа на 15:11. Сепак, со новата мини серија домаќините смалија на 17:14, резултат со кој се отиде на пауза.
ЦИНДРИЌ СТРЕЛА ОД СИТЕ ПОЗИЦИИ
Продолжението мина според очекувањата на нашиот тим, кој успеа да ја стабилизира предноста од три до четири погодоци и тоа до 40. минута. Истата таа доби нагорна линија откако Дибиров одлично асистираше кон Тоскиќ за 24:20. Повторно, вреди да се истакне играта на Лука Циндриќ, кој во вториот дел имаше одличен скор од осум погодоци.
Благодарение на неговата квалитетна претстава, македонскиот шампион направи разлика од 29:22. И покрај тоа што за Вардар ова беше втор натпревар одигран во период неполни 24 часа, сепак, момците успеаја да најдат сили и до крај да ја одржат оваа убава залиха, од „плус“ седум за 36:29 и нов, потврден настап на Ф4 турнирот во ова регионално натпреварување.