Македонскиот маратонски пливач Томи Стефановски го освои 31. место на 10 километри долгата трка која се одржа во Рио Негро, Аргентина, а која беше дел од Светскиот куп во ФИНА. Искусниот пливач целта ја мина за два часа и 38 секунди, додека првопласираниот Алекс Мејер од САД постави време од 1:55.44 час. Второто и третото место им припадна на Италијанците Симоне Руфини и Фредерико Ванели.
Вториот наш претставник на овој маратон Александар Илиевски пливаше со време од 02:07.37 часови, што беше доволно само за 34. позиција.
Ова беше прва активност во новата година за двајцата наши пливачи. Од следната ќе бидат придружувани со најдобриот наш маратонец Евгениј Поп Ацев, и тоа на трката со должина од 10 километри, која е исто така дел од Светскиот куп, што ќе се одржи во Абу Даби на 26 овој месец.