Најуспешните тенисери од нашата држава, Лина Ѓорческа и Томислав Јотовски, забележаа напредок во сингл на новите ВТА и АТП листи. На вчерашниот ранкинг објавен од ИТФ двајцата наши рекети ги подобрија своите позиции за оваа седмица.
Така Лина, сега со овој напредок се наоѓа на 328. место со 123 освоени поени, додека Томи сега е 729. рекет во светски рамки, во машкиот дел. Во конкуренција на двојки, пак, Јотовски напредуваше за едно место, па така сега е под број 676, додека Ѓорческа остана на пласманот од минатата недела (275).
Интересно е што и двајцата наши најдобри тенисери оваа седмица ќе паузираат од настапите на фјучрс турнирите, додека нивните активности се најавени од идниот понеделник.