Шкотскиот тенисер Енди Мареј и неговата сопруга Ким Мареј во неделата станале родители, соопштија денес англиските медиуми.
Ким на свет донесе ќерка, но името на бебето, се’уште не е соопштено за јавноста. Ким и Енди се заедно од нивните тинејџерски денови, а стапија во брак минатата година.
Ким често може да се забележи во публиката на тениските терени како го бодри Енди, а таа е позната и по бурните реакции и силниот темперамент додека го следи настапот на сопругот.
Енди Мареј изминатиот месец загуби во финалето од Австралија Опен од српскиот тенисер, Новак Ѓоковиќ.
Честитки за родителите упатија повеќе колеги од тенискиот свет, но и личности од јавниот живот во В. Британија.