Да имаа татковина, бегалците ќе беа жители на 24. најнаселена земја на светот, веднаш зад Италија. Во вторникот, тие беа почестени како членови на олимпиското семејство. Олимпискиот факел на пат од Грција до Рио де Жанеиро застана во кампот на Обединетите нации во Атина, каде што беше во рацете на сирискиот бегалец Ибрахим ал Хусеин.
„Ова е голема чест за мене. Ова е за секој Сириец и секој Арап кој помина низ толку многу. Пораката е да се следи својот сон“, изјави 27-годишниот Ал Хусеин.
Се очекува тим од 5 до 10 бегалци да настапи под знамето на ИОЦ на Олимпијадата во Рио.