Ракометарите на Кил успеаја во четвртфиналето да го елиминираат европскиот шампион Барселона откако синоќа во реваншот во „Блауграна“ во Барселона загубија со 33:30, но во вкупниот резултат беше 59:57 за Кил благодарение на победа од 29:24 на првиот дуел.
Ова за Кил е шесто учество на завршниот турнир во Келн, а имаат и две титули во 2010 и 2012 година. Со елиминацијата на Барселона продолжи традицијата откако се игра „фајнл фор“ турнир шампионот да не успева да ја одбрани титулата.
Во поголемиот дел од првиот дел Кил имаше предност, а Барселона од 45.минута го презеде водството и во 55.минута за првпат поведе пет голови разлика (31:26) колку што беше на првиот дуел за Кил. Но, бундеслигашот предводен од шпанскиот репрезентативец и во новата сезона играч на Вардар Жоан Кањелас со три гола во серија ги сруши надежите на Барселона дека ќе се пласира во полуфиналето.
Кањелас постигна вкупно 6 голови, како и неговиот соиграч Марко Вујин и Ентрериос од Барселона.
Македонскиот репрезентативец Кирил Лазаров натпреварот го заврши со 5 голови.
Попладнево се игра последниот реванш четвртфинален дуел меѓу ПСЖ И Загреб, а предност од 28:20 од првиот дуел има ПСЖ. Пласман во полуфиналето изборија Веспрем откако беше поуспешен од македонскиот шампион Вардар и Киелце по елиминацијата на Флензбург.