Светската тенисерка број 18, Доминика Цибулкова има одличен месец и работите само ќе станат подобри. Без разлика како ќе го заврши Вимблдон, последната недела ќе биде незаборавна за Словачката, која ќе се омажи со својот свршеник Мишо Навара на 9 јули, денот на финалето на Вимблдон.
27-годишната Цибулкова го мина првото коло во вторникот со 7:5/6:3 победа над Хрватката Мирјана Лучиќ-Барони, а сега игра со Русинката Дарја Гаврилова, против која не играла досега. Таа ја освои титулата во Истбурн минатата недела и признава дека мислите и се на свадбата другата недела.
„Тоа е испланирано од пред девет месеци. Никогаш не знаеш што ќе се случи. Тука еднаш бев до четврт-финалето и би било одлично да го повторам тоа“, изјави Цибулкова.