Велосипедистот на Тинкоф Саксо, Петер Саган победи на 15. етапа на Тур де Франс која се возеше од Моран на Монтањ до Берн, Швајцарија, во должина од 209 километри. Словакот во фото-иниш го победи норвешкото дуо Александар Кристоф од Катјуша и Сондре Холст Енгер од ИАМ и уште дузина велосипедисти кои поминаа во времето на победникот. Саган кој оваа година во Франција победи на три етапи, повеќе од една недела ја носи зелената маичка.
„Беше долга патека, а и времето беше многу топло. Среќен сум што победив и горд сум на тимот кој ме поддржуваше за време на трката. Многу трки губев во фото-финиш но овојпат, конечно, победив во еден таков неизвесен финиш“, вели Саган.
Во „жолто“ остана Крис Фрум и покрај тоа што не беше во првиот пелотон, но и неговите ривали не беа на нивото драстично да ја променат ситуацијата во генералниот пласман.
15.ЕТАПА (МОРАН АН МОНТАЊ - БЕРН, 209 км)
1. Петер Саган (Свк) - Тинкоф 4:26:02
2. Александар Кристоф (Нор) - Катјуша +0:00
3. Сондре Холст Енгер (Нор) - ИАМ +0:00
4. Јон Дегенколб (Гер) - Џајант-Алпецин +0:00
5. Мајкл Метјус (Авс) - Орика +0:00
ГЕНЕРАЛЕН ПЛАСМАН
1. Крис Фрум (Бри) - Скај 72:40:28
2. Бауке Молема (Хол) - Трек +1:47
3. Адам Јетс (Бри) - Орика +2:45
4. Наиро Кинтана (Кол) - Мовистар +2:59
5. Алехандро Валверде (Шпа) - Мовистар +3:17