Италијанската тениска федерација го суспендираше на 18 месеци, Марко Чекинаро поради обвинение за обложување и „местење“ на мечевите кои ги играл. Чекинаро, кој моментално е 148. тенисер на светот, е обвинет дека минатата година „наместил“ неколку дуели во сингл и дубл конкуренција, како и дека користел сметка од еден пријател за да се обложувал на дуелите од ИТФ конкуренцијата како и на свои мечеви меѓу кои и дуелот со Полјакот Камил Мајчржак на турнирот во Мароко на кој заработил.
Меѓутоа, тоа скапо ќе го чини. Покрај суспензијата ќе треба да плати и казна од 40,000 евра.
Интересно е што за неговите илегални активности се дознало по пат на апликацијата Вотсап (WhatsApp). Чекинато заборавил да го избрише разговорот со пријателот во кој се наоѓаат детали поврзани со обложување.
Под сомнение се уште Лука Вани и Лоренцо Фригерио со кои Чекинаро играл во дубл. Тие ја признале вината, а ќе поминат само со парична казна.