Кејти Ледецки, најдоминантната пливачка на Олимпијадата во Рио во 2016 година, ќе ја пропушти шансата да заработи над 5 милиони $ во спонзорски договори, со одлуката да остане аматерска пливачка. Ледецки наместо тоа реши да оди на универзитетот Стенфорд.
„Не, ова не беше тешка одлука. Секогаш сакав да пливам на колеџ-ниво и да го имам тоа искуство. Ќе биде забавно да се биде во тим со моите пријателки и со големи пливачи, а во исто време да се оди на часови со нив“, вели 19-годишната Американка, која претходно паузираше една училишна година за да се подготвки за Рио.