Српскиот интернационалец потпиша две годишен договор со тимот од Автокоманда.
Немања Младеновиќ и официјално ќе го носи дресот на Металург. 22-годишниот српскиот интернационалец кој игра на позиција среден и лев бек денеска потпиша двегодишен договор.
"Металург се уште е големо име кое значи во европскиот ракомет. Ме привлече можноста да работам со стручњак од калибарот на Лино Червар, како и можноста да играм во две силни лиги, Лигата на шампионите и СЕХА-лигата, а тоа ретко кој клуб може да го овозможи. Во Металург препознавам млад и амбициозен тим, кој има многу простор за напредок, и јас сакам да бидам дел од еден таков проект", изјави Младеновиќ за официјалниот сајт на Металург по потпишувањето на договорот.