Македонскиот вице-првак Металург ги освои првите бодови во СЕХА Гаспром лигата. Металург предмалку со 27:21 го совлада првакот на Словачка Татран Прешов.
Металург конечно стигна до првите бодови во СЕХА Гаспром лигата. Македонскиот тим го совлада Татран Прешов и во пресрет на нивната пресметка во Лигата на шампионите, демонстрираше сила и надеж дека ваков расплет ќе има и по 12 дена во Прешов.
Првото полувреме веројатно е најдоброто кое го одигра(л) овој нов и подмладен состав на Металург. Поведе Татран, но по тоа следеа четири гола по ред за македонскиот претставник. Татран имаше проблеми со дефанзивната формација на Металург. Кога се играше на поставена зона, Словаците тешко доаѓаа до позиција за шут, биеја од тешки позиции, а голманот Дарко Арсиќ беше на ниво на задачата и Металург стигна до комотно водство од 4:1, малку подоцна беше 6:2, а новиот добар период го донесе македонскиот вице-првак и до водство од 10:3 во 18. минута, а три минути подоцна беше 12:5.