Македонскиот шампион го декласираше Горење со 40:32 за шеста победа во исто толку натпревари во СЕХА-лигата и зацврстување на на врвот на табелата.
Уште на самиот старт вардарци покажаа дека максимално се фокусирани на овој меч, па така во воведните минути веднаш направија водство од 3:1, кое подоцна само се зголемуваше.
Не ги „омекна" и гестот на публиката, која со громогласен аплауз ги поздрави поранешните нивни соиграчи Алем Тоскиќ и Матјаж Брумен, па така на паузата се замина со резултат 21:12.
Како и многупати досега, тренерот на Вардар Раул Гонзалез излезе со изменет состав во продолжението. Тоа делумно го искористија гостите кои намалија на 27:21. Но, тоа беше се што сторија. Шампионот повторно префрли во повисока брзина и на крајот славеше со 40:32.