„Пресметката“ во тешка категорија меѓу Ентони Џошуа и Владимир Кличко е неизвесна и во следните неколку дена ќе се знае дали воопшто ќе се случи оваа година. Дуелот стана извесност откако Тајсон Фјури се откажа од своите ВБО и ВБА титули минатата недела, по што шпекулациите велеа дека ќе има меч на 10 декември во „МЕН арената“ во Манчестер.
Проблемот е во боксерските федерации - Џошуа е ИБФ шампион, додека Кличко сака да боксува и за слободниот ВБА појас и тоа е неговиот прв услов. Доколку не се случи мечот, Кличко би боксувал со Лукас Браун за ВБА титулата.