Летонскиот репрезентативец Даинис Кристопанс (26) кој игра на позицијата десен бек потпиша тригодишен договор со Вардар.
Највисокиот играч во лигата на шампионите сезонава, Даинис Кристопанс (213 см.) е најново засилување на Вардар. Кристопанс кој е стандарден дел од репрезентацијата на Летонија и игра на позицијата десен бек, потпиша договор на три години почнувајќи од сезоната 2017/2018.
Тој лани ја имаше најдобрата сезона во ЛШ, постигнувајќи 62 гола. Сезонава постигна 23 гола на пет натпревари. Во СЕХА лигата има постигнато 25 гола на седум натпревари, и е втор најдобар стрелец во тимот.
„Минав две извонредни години во Брест каде имав мотивиран и перспективен тим. Сега е време за продолжување натаму во мојата професионална кариера и затоа најмногу го одбрав Вардар. Имаше многу други заинтересирани топ клубови, од Германија, Шпанија, Унгарија, Белорусија. Но, Вардар му понуди најдобри услови за унапредување како професионалец, и Вардар е еден од најамбициозните клубови во светот во моментов, изјави Кристопанс.