ЖРК Вардар е на врвот на групата Б во Лигата на шампионите, откако со 37:24 го „растурија“ ФТЦ во Будимпешта во уште една импресивна партија
Вардарки поведоа од стартот, и разликата се зголемуваше до 18:8 во 25. минута и импресивни 21:12 на полувремето.
ФТЦ покажа заби на стартот од вториот дел откако постидна два едноподруго голови и намали на 14:21, но, тоа беше се што беше сторено од нивна страна. Триото Дамјановиќ, Радичевиќ и Лазовиќ ги врати работите во нормала (16:25). На голот во тие моменти брилјираше Песоа, која во неколку наврати интервенираше одлично.
Во моментите кога беше решен победникот, Давид Дејвис Камара го ротираше тимот со цел подобро воигрување. Лакрабер доби поголема минутажа, а истото може да се каже за Лекиќ, која и која и од претходно во овој меч влегуваше на теренот. Кога ќе се собере една целина, овој меч е одлична најава за остатокот од сезоната.
Единствено загрижувачки изгледаше повредата на Јованка Радичевиќ која на некоја минута пред крајот го напушти мечот по еден незгоден пад. Токму Јованка беше една од најефикасните со по шест погодоци, а најпрецизна беше Андреа Лекиќ која блесна со седум голови. Маиса Песоа со седум одбрани за едно полувреме исто така беше маестрална на голот.