Лина Ѓорческа имаше напредок од само една позиција во сингл, на најновото рангирање на ВТА листата.
Нашата тенисерка сега има 264 бодови, доволно за 206. место во поединечниот дел. Во конкуренција на двојки, иако имаше одлична недела на фјучр турнирот во Валенсија, нашата тенисерка остана на позицијата под број 136.
Бодовите од круната освоена во Шпанија ќе бидат внесени на наредната ВТА листа, објавена идниот понеделник. До тогаш, нашиот најдобар рекет ќе ги одмора силите за претстојните натпреварувања, каде што ќе се обиде да освои нови поени.