Македонскиот првак Вардар не успеа да го изненади полскиот и европски првак Киелце на негов терен, иако одигра рамноправен натпревар, на затворањето од есенскиот дел во Лигата на шампионите.
Тренер, Раул Гонзалес, му честиташе на победникот по мечот и рече дека Вардар играше подобро како течеше натпреварот, за на крај да добие дури и можност за победа.
- Киелце е освојувач на Лигата на шампионите, а на домашен терен секогаш игра одлично. Натпреварот беше одличен за гледачите бидејќи и двата тима одиграа цврсто и добро и во одбрана и во напад. Ние не почнавме како што сакавме, но во продолжение игравме подобро и подобро. Во вториот дел нашиот голман Милиќ беше одличен и ние добивме шанса можеби да ги освоиме двата поена, но беше тешко, Киелце беше одличен и во одбрана и во напад. Тоа е ракометот, добар меч, но ние загубивме, изјави Раул на прес-конференцијата по натпреварот.
Полјаците славеа со 27:24 и го задржаа првото место во групата, додека Вардар како трет, со два бода помалку ќе ги чека преостанатите пет меча.