Раул Гонзалез на денешниот натпревар против Веспрем во рамките на СЕХА-лигата, покрај Илија Абутовиќ нема да може да смета на уште еден лев бек, Жоан Кањељас.
Жоан Кањељас заработил незгоден удар на стапалото во дуелот со Келце. Лекарските прегледи покажале контузија на палецот на ногата, па бекот со сигурност нема да го видиме денеска во игра.
Абутовиќ, пак, се мачи со повредата на дланката, а од Вардаровиот табор потврдуваат дека е потребно мирување за да се санира проблемот на главниот дефанзивец. Ваквата ситуација ќе го натера Гонзалез, најверојатно, со тројца голмани да настапи денеска.
Вардар е на првото место на СЕХА табелата со 31 бод, додека Веспрем е трет со три натпревари помалку.