Поранешната светска тенисерка број 1, и шампионка од Ролан Гарос, Србинката Ана Ивановиќ објави дека се повлекува од тенисот на само 29 години.
„Можам да играм само доколку тоа ги исполнува моите високи стандарди. Веќе не можам да го правам тоа, така што е време да тргнам кон нешто ново. Стигнав до височини за кои не можав ниту да сонувам досега. Освоив 15 ВТА титули и играв три гренд слем финалиња. Последните години се мачев со повреди и ова беше навистина тешка одлука да се направи“, изјави Ивановиќ, која беше 12 недели на првото место на ВТА-листата.