Најдобрата македонска тенисерка, Лина Ѓорческа, утринава ќе ги почна квалификациите за Австралискиот опен. Македонката во првото коло ќе се соочи со Американката Саша Викери која е 18. носителка во квалификациите. Ждрепката беше неповолна за Лина бидејќи во групата од осум тенисерки е и првата носителка во квалификациите - Стефани Фогел од Швајцарија.
Викери веќе има настапи на главниот дел од гренд-слем турнирите. Минатата година играше во првото коло на Ролан Гарос, а на Австралискиот опен најдобар пласман има забележано пласман во 2014 година кога загуби во првата рунда.
Мечот е закажан во 3 часот по средноевропско време. Но, мора да се земе предвид дека пред него има и други квалификациски средби во машка и во женска конкуренција, па така јасно е дека ќе има доцнење од некој час.