Денеска во Мелбурн стартуваше првиот годинашен Грен слем турнир Австралија Опен кој уште во првото коло донесе многу проблеми имаше четвртиот носител Стан Вавринка кој дури во пет сета го совлада Мартин Клижан од Словачка.
Пет сета за победа му требаше и на петтиот носител Кеи Нишикори на мечот со Андреј Кузњецов од Русија.
Првата рунда успешно ја мина и првиот фаворит Енди Мареј по максималните 3-0 во сетови против Илја Марченко од Украина.
Десеттиот носител Томаш Бердих (Чешка) во второто коло се пласира, откако неговиот противник Лука Вани го предаде мечот по загубениот прв сет.
Во тек е последниот денешен меч во машка конкуренција. Роџер Федерер (Швајцарија) за противник го има австрискиот тенисер Јирген Мелцер.