Мелбурн, 22 јануари 2017 (МИА) – Најдобриот светски тенисер Енди Мареј не успеа да се пласира во четвртфиналето на Австралија Опен, откако изутрина беше совладан од Германецот Миша Зверев со 3-1.
Зверев го доби првиот сет со 7:5, со истиот резултат возврати Британецот во вториот сет, а потоа беше 6:2 и 6:4 за германскиот тенисер.
Ова е втора сензација на првиот годинашен Грен слем, откако претходно, во 2.коло беше елиминиран и брителот на трофејот Новак Ѓоковиќ.
Зверев за противник во следната рунда ќе го има подобриот од мечот Федерер – Нишикори, кој е во тек.
На другите два денешни дуела Жо-Вилфред Цонга го победи Даниел Еванс со 3-1, а Стан Вавринка беше подобар од Андреас Сепи со 3-0.