Таткото на Луис Хамилтон, Ентони го предупреди Валтери Ботас дека веднаш мора да го крене своето ниво бидејќи партнерството со неговиот син може да биде потег за „крај на кариерата“. Ботас го замени Нико Розберг, светскиот шампион кој си замина од спортот по освојувањето на трофејот, потпишувајќи едногодишен договор со „Сребрената стрела“.
„Секој кој ќе вози покрај Луис мора да ја има добро испланирано кариерата, бидејќи може многу бргу да му заврши. Како што станува постар и поискусен, тој доаѓа на врвотн а кариерата. Мислам дека оваа година ќе биде многу силен“, вели Хамилтон сениор.
Поразот од Розберг во 2016, беше само вторпат во 10-те сезони на Хамилтон, тој да биде победен од колегата, откако првиот пат беше покрај Џенсон Батон во Мекларен во 2011 година. Ентони Хамилтон смета дека Розберг имал среќа.
„Луис е среќен за Нико, како сите ние. Го познаваме долго време и тој работеше напорно. Да, му требаше малку среќа, но Луис сега нема да размислува за него, туку само за победите“, додава Хамилтон.