Екипата на Шамбери прва се „отвори“ во приказната дека е заинтересирана за ангажман на Кирил Лазаров за следната сезона.
Но, Обрван и Брестовац добија сериозна конкуренција.
Претседателот на Нант за француските медиуми изјави дека и оваа екипа сака да го види Лазаров во своите редови.
„Лазаров е еден од најдобрите стрелци во историјата на ракометот. Со 36 години и 18 години во Лигата на шампионите, може да ни го донесе потребното искуство за големи натпреварувања“, изјави претседателот на Нант.
Но, заинтересирано неофицијално има и од Азурниот Брег, од екипата на С. Рафаел. Оваа екипа иако е легитимен вице-првак на Франција, не доби дозвола од ЕХФ да се натпреварува во ЛШ и место неа сега играат третопласираниот Нант и четвртопласираниот Монпеље.
Не би било чудно и Монпеље да влезе во оваа трка, што го прави Кирил Лазаров голем хит во Франција. Чекаме да видиме од каде сѝ ќе стигнат покани и што на крајот ќе одбере македонскиот ас.