Јамајчанскиот спринтерски великан Јусеин Болт вели дека не жали за одлуката да се повлече од атлетиката оваа година бидејќи остварил сè што посакувал. Болт заминува по Светското првенство во Лондон во август, ставајќи крај на блескавата кариера.
„Направив сè што сакав во спортот. Го прашав Мајкл Џонсон истото - зошто се повлече кога беше на врвот, тој ми го даде истиот одговор. Сега сфаќам што мисли“, вели Болт, кој комплетираше тројна-тројна победа на 100, 200 и 4х100 метри во Рио 2016, но потоа му беше одземено златото на 4х100 метри од Пекинг 2008 поради позитивниот тест на неговиот сонародник Неста Картер.