МЕТАЛУРГ – ГОРЕЊЕ 28:25 (14:15)
СЦ „Борис Трајковски“ во Скопје. Гледачи: 1.500. Судии: Новица Митровиќ и Миљан Весовиќ од Србија.
МЕТАЛУРГ: Арсиќ 10 одб. (1 сед.), Томовски 4 одб., Петров 3/4, Дрогришки 1/1, Младеновиќ 1/2, Костески 0/1, Обрадовиќ 5/10 (2/2), Кузмановски 5/7, Илиќ 7/7 (3/3), Пеценковски, Нелоски 2/2, Велковски 2/4, Палевски, Јусуфнеџад, Гуглета 2/2, Арсеновски.
Седмерци: 5/5. Исклучувања: 6 мин.
ГОРЕЊЕ: Ферлин 7 одб., Запонсек, Базник, Цехте 1/5, Медвед 2/5, Овничек, Левц, Стојнич, Тоскиќ 4/7, Митровиќ 5/10, Поточник 8/11, Голчар, Клец, Гамс 0/1, Носан 1/1, Брумен 4/8 (2/3).
Седмерци: 2/4. Исклучувања: 4 мин.
Фантастични завршни 15 минути имаа „металурзите“ предводени од Вања Илиќ во кои победнички се одјавија од меѓународната сцена за оваа сезона
Подобро „благодарам“ за целокупната поддршка на своите фанови во меѓународните натпреварувања сезонава ракометарите на Металург не можеа да подарат. Триумф над Горење, 28:25, во последниот натпревар во СЦ „Јане Сандански“ во СЕХА лигата, кој воедно претставуваше и одјавија од меѓународната сцена за оваа сезона. Тимот на Лино Червар знаеше дека го чека тешка битка против словенечкиот вицепрвак, но остана истраен до самиот крај, а токму завршните 15. минути од средбата беа тие кои го одлучија победникот. „Сино-белите“ одиграа вратија од негатива од четири гола (19:23). Пресвртот го предводеше Вања Илиќ, кој покрај реализацијата, на двапати во низа украде топка од противникот и асистираше прво на Гуглета, а потоа и на Кузмановски за 22:23 во пресрет на последните десет минути од мечот.
По тајм-аутот на Горење, Томовски блескаше на голот (четири интервенции), а Металург дури во третиот обид успеа да изедначи преку Дрогришки, 23:23, за вистинска драма во финишот. Гол за гол се играше до крајот. Трагичар кај Горење беше Матјаж Брумен, кој не успеја да реализира пенал на две минути до крајот (стрелаше над голот). Како „јагода на шлагот“ дојдоа двете атракции на „металурзите“, цепелин на Илиќ и Кузмановски, односно на Обрадовиќ и Нелоски со кои беше запечатен триумфот.