Еден ден пред да потпише тригодишен договор за настап на турнирот во Базел, што значи дека ќе игра барем до крајот на 2019, Роџер Федерер во интервју за „Њујорк тајмс“ открива дека бил блиску до повлекување на Австралискиот опен оваа година. Федерер го победи својот вечен ривал Рафа Надал за својата 18. гренд слем титула, и многумина сметаа дека тоа е совршен момент за да стави крај на кариерата.
„Во некој агол на умот, размислував за такво нешто. Што би можело да биде подобро од ова? Но, радоста беше толку голема. Кога решив да направам пауза од шест месеци имав план за неколку години, не за еден турнир. Сфаќам дека многумина мислеа дека ова е совршено време да си заминам, но работев толку напорно за да стигнам дотука и уште имам што да дадам“, вели Федерер.