Ако нешто не му недостига на Новак Ѓоковиќ, тоа е амбиција. Српскиот тенисер призна дека со нетрпение очекува да продолжи борбата за враќање на првото место на ATP листата.
Запрашан како се справува со конкуренцијата и со фактот дека повеќе не е осамен волк на врвот од листата, Ноле е дециден.
-Изгледа дека сега јас сум еден од оние волци кои што се искачуваат кон врвот. И притоа сум гладен. Но, не сум единствен. Да не сум гладен за успех, не би седел тука со вас и не би играл на овој турнир. Досега имам многу нешта остварено во кариерата и лесно би можел тука да престанам. Едноставно да кажам - Ок, до тука е доволно. Но, продолжувам бидејќи сè уште го имам тој нагон во себе, сè уште се чувствувам полетно. И сè додека постои тоа, ќе играм, изјави тој за новинарите.