Поранешниот ракометар на Металург, Филип Талески, е играчот што постигнал најмногу голови на еден натпревар во Лигата на шампионите во машка конкуренција годинава.
По завршување на групната фаза од Лигата на шампионите, ЕХФ излезе со статистика, во која се издвоија и македонските тимови Вардар и Металург, но на која доминира и Филип Талески.
Поранешниот ракометар на Металург е играчот што постигнал најмногу голови на еден натпревар во Лигата на шампионите во машка конкуренција годинава. Новиот бек на РНЛ беше стрелец на 13 гола на натпреварот меѓу Металург и Елверум. Интересно, во ЛШ сезонава само 9 меча завршиле со двоцифрена разлика. Највисокиот пораз, од 18 гола разлика го доживеа (внимавајте) – Кил (24:42) на гостувањето во Париз.
Најмногу и најмалку голови на еден натпревар од ЛШ, по завршувањето на групната фаза „паднале“ во Скопје. Најмногу голови имаше на натпреварот Вардар-Келце (40:34), а најмалку на натпреварот Металург- Елверум (18:17). Металург притоа е екипата која примила најмалку голови на еден меч во ЛШ сезонава, споменатиот меч со Елверум.