Лино Червар најави дека Металург треба да си бара нов тренер.
Лино Червар полека излегува од медиумската (само)изолација и пред да почне да им ја сервира патриотската приказна на новинарите во Хрватска, проговори за разделбата со Македонија, поточно за вознобновената љубов со Хрватска.
-Мислам дека сè коректно направивме. Одлуката не беше лесна, но Хрватска е мојата „домовина“, го кажав тоа и во Македонија, која ме задолжи и верувам дека ќе останеме во одлични релации, изјави Червар за „Јутарњи“.
Прашањето за милион долари беше:
Како ќе оди ситуацијата со разделбата во Металург?
- Ма, тоа ќе оди многу полесно, иако приказната е слична. Тука нема големи проблеми.
Што сакаше да каже писателот е прилично јасно, иако има едно неодговорено прашање. Кога ќе си замине од Металург? Веднаш или во јуни?
Нашите официјално непотврдени информации, велат дека Лино се подготвува да се врати назад со екипата која во сабота треба да пристигне од Пореч во Скопје. Па, останува да видиме дали навистина ќе дојде во Скопје или како што велат Хрватите во петок треба да пристигне во Загреб.
Како и да е, јуни или сега, сосема извесно завршува ерата на Лино Червар во Македонија. Имаше и добри и лоши моменти, но веројатно, ќе остана запаметен по начинот на кој заминува.