Најдобриот македонски тенисер Томислав Јотовски не успеа да се пласира во финалето на фјучрсот во Хамамет во конкуренција на двојки. Тој заедно со Сантијаго Марсека загубија во полуфиналето од Петар Бала (Унгарија) и Шунсуке Вакита (Јапонија) со 2-1 во сетови.
Првиот сет им припадна на ривалите со 6:3 во гемови, а во вториот беше 6:4 за Јотовски и Мареска. Во решавачкиот беше 10:8 на поени за унгарско-јапонската двојка.
Јотовски во сингл беше елиминиран во второто коло, но треба да се нагласи дека овој турнир го одигра со повредената рака и под инјекции.