Критична беше ситуацијата во екипата на Металург. Поради неисполнети обврски, клубот се наоѓаше на работ, буквално да се распадне по само едно одиграно плејоф-коло. И тоа токму колото во беше прекината две и полгодишната непобедливост на актуелниот шампион Вардар.
Играчите на Металург немаа земено плата од декември, условите за нивно заминување беа исполнети и вистинско чудо е што ништо од ова не се случи.
По неколку најави, денеска, конечно стигнаа добрите вести. Средства се обезбедени и јануарската плата ќе биде исплатена денеска, евентуално утре доколку има некои технички пречки.
Тоа е одлична вест за екипата која в четврток ќе биде на нов незгоден испит. Металург ќе му боде гостин на Пелистер, во реновираната сала, а првата пресметка на Лино Червар и Касим Каменица сигурно ќе ја преполни салата.
Но, иако Металург гледа светло на крајот на тунелот, тоа не значи дека Лино Червар ќе остана.
„Не знам“ беше неговиот вчерашен коментар за ситуацијата и опцијата да остане во Металург.