Поранешниот тениски ас Јанко Типсаревиќ во интервју за „Спорт клуб“ се присетува на минатото и лошите навики на тениските ѕвезди Давид Ферер и Рафаел Надал.
„Ферер пушеше цигари, но престана пред три или четири години. Се сеќавам пред еден наш меч од Мастерсот во Лондон, влезе во тоалетот со цигара во устата. Но, Ферер ги компензираше лошите навики со многу тренинзи. Пред многу години Надал се ’давеше’ во благо. Тој знаеше на ден да изеде по една тегла Нутела и да испие околу три литра на Кока кола. А тогаш беше втор или трет тенисер во светот“, вели Типсаревиќ.