Големите пливачки надежи на Македонија, Антониј Симоновски и Миа Крстевска поставија нови рекорди на митингот „11 април“ кој се одржа во Белград.
На квалитетното меѓународно натпреварување, Крстевска беше Апсолутна рекордерка во младинска категорија на 200 метри грбно каде што исплива време од 2:23.22 минути. Додека, пак, во двојно пократката дисциплина, таа оствари време од 1:07.28 минути што исто така претставува нов рекорд.
Симоновски, пак, забележа кадетски рекорд на 50 метри грбно откако целта ја мина за 29:04 секунди.
На митингот во Белград, учество земаа 460 пливачи од Италија, Унгарија, Грција, Хрватска, Босна и Херцеговина, Србија и Македонија.