Фановите на Вардар повторно се во центарот на вниманието. Покрај признанието за одличната атмосфера, низ порталите во Европа, по вчерашната голема победа на Вардар, стигна признание и за познавањето на германскиот јазик.
Вардар и Македонија го слават големиот историски успех. За првпат еден македонски клуб ќе игра на Фајнл-форот во Лигата на шампиони. Одличната игра на ракометарите на Вардар и феноменалната атмосфера во СЦ „Јане Сандански“ беа повеќе од доволни да се урне Флензбург и во вториот четвртфинален натпревар (35-27).
Пред завршување на мечот, навивачи им порачаа ракометарите на Флензбург: "Auf wiedersehen".
Видео-снимката за кратко време стана хит низ социјалните мрежи во Европа, дел од нив им честитаа на македонските навивачи за одличното владеење на германскиот јазик.