Рафаел Надал е незапирлив оваа пролет. Шпанецот го освои петтиот трофеј на Мадрид опен откако со 7:6(8)/6:4 го победи Доминик Тим.
Во полуфиналето во Мадрид, Надал ја прекина „лузерската“ серија од 3 години и седум меча против Новак Ѓоковиќ, а во тешкото финале беше потребен само еден брејк во вториот сет за победа.
Надал оваа година повторно наликува на стариот „Крал на земја“ од сезоната 2013, бидејќи има 15-0 скор на земјена подлога, а во исто време се израмни со Ѓоковиќ со 30. АТП Мастерс 1000 титула. Тим, пак, го играше своето прво Мастерс 1000 финале, и многумина со право му прогнозираат шанса да освои гренд слем титула.