Скопје, 20 мај 2017 (МИА) – Ракометниот Куп на Македонија викендов ја има својата завршница, дамите ќе играат финале, додека мажите средбите од полуфиналето.
Откако вчера своите полуфинални натпревари ги одиграа дамите во кои Вардар и Металург забележаа убедливи победи над Гевгелија и Прилеп, денеска тие ќе играат во финалето. Стартот на мечот во салата „Автокоманда“ во Скопје е од 16.30 часот.
Во Битола пак ќе се игра завршницата во машка конкуренција. Денеска на програмата се полуфиналните двојки. Домаќинот Еурофарм Работник за противник го има Охрид во мечот кој ќе започне од 17:30 часот, додека во вечерниот термин од 20:30 часот во вториот полуфинален дуел ќе се сретнат големите ривали Вардар и Металург.
Потсетување дека бранители на трофеите во Купот на Македонија во обете конкуренции се екипите на Вардар.