Најдобриот машки македонски тенисер, Томислав Јотовски продолжува со одличните партии на фјучр турнирот во Добој, Босна и Херцеговина.
Тој, на натпреварувањето вредно 15 илјади американски долари се пласираше во полуфиналето и тоа со стил. Елиминирајќи го првиот носител, Црногорецот Љубомир Келебиќ со 6:2, 6:.
Во наредната фаза, најуспешниот наш рекет ќе се соочи со подобриот од мечот меѓу Италијанецот Фабрицио Орнаџо и Елмар Ејупивиќ од Германија.
Доколку успее да дојде до титулата, Јотовски на своето конто ќе додаде нови 18 АТП поени со кои значително ќе го подобри својот пласман на наредното објавување на ранкинг листата.