Британката Џесика Енис-Хил ќе си го добие третиот златен медал во седмобој на специјална церемонија за време на планетарниот атлетски форум во Лондон, во август, и тоа шест години по натпреварот во кинески Дегу. Тоа го потврди Спортскиот арбитражен суд (КАС) откако претходно ја потврди казната за Татјана Чернова поради допинг.
Русинката ја победи Енис-Хил на Светското првенство во Дегу пред шест години, но резултатите ѝ беа анулирани. Чернова ги освои и бронзените медали на олимпијадите во Пекинг и во Лондон, кои, исто така, ѝ беа одземени. Таа ќе треба да ги врати медалите откако на повторените анализи беше потврдено дека користела недозволени средства.