Три меча на годинашниот Вимблдон, како и еден од Ролан Гарос, се под истрага поради сомнеж дека се наместени, соопшти единицата за тениски интегритет. Во прашање се два меча од квалификациите за третиот гренд слем сезонава, односно дуели од главната ждрепка во женска конкуренција од Лондон и од Париз.
Споменатите средби, за кои не се наведени учесниците, дошле во центарот на вниманието по необични облози ширум светот.
Ова е 53. случај со „местење“ што го истражува ЈТИ од април, но, исто така, е соопштено дека може да се работи и за лажна тревога.
Од вкупниот број, три се на АТП-турнирите, еден на ВТА, а другите на челенџер, фјучерс и на женските ИТФ-турнири.