Новак Ѓоковиќ одамна ја отпиша тениската сезона по сериозната повреда на лакотот и реши да им даде „апдејт“ на своите фанови како му оди закрепнувањето. Ова го направи со фотографија со своите две деца.
„Знаев дека размислувате што правам и како оди закрепнувањето. Секој слободен момент го поминувам на терапија или со моето семејство. Навистина е мирно и благодарен сум за овие моменти. Тука сме јас и Стефан и правиме мали ’автомобили’ за него и за бебето. Сега сѐ мора да биде двојно за мене“, напиша Ѓоковиќ.